GEK-EEK 2009 (Germana Esperanto Kongreso - Eŭropa Esperanto Kongreso)

Kongresa temo

86a Germana Esperanto-Kongreso

8a Eŭropa Esperanto-Kongreso

28.05.-03.06.2009 Herzberg am Harz - la Esperanto-urbo

Ĉeftemo: Esperanto por multkultura Eŭropo

Je la unua fojo en la historio la Esperanto-movado forlasos sian kutiman kongresejon kaj prezentos sin en la urbo multloke kaj multflanke: ekzemple okazos
- publika kantado en la urbo kun lokaj infanoj kaj Esperantista kantisto,
- kongresanoj partoprenos en la procesio okaze de la tradicia popolfesto,
- estas planite vizitoj al firmaoj, lernejoj, kluboj.

Atendos vin varia kulturprogramo dum la
- nacia vespero: multaj artistoj, muzikistoj, dancistoj kaj ankaŭ prezentantoj el
la loka gimnazio, kiu donos hejmon por nia kongreso. Ankaŭ dum la
- internacia vespero vi trovos abundan muzik- kaj teatroprogramon.

Dum la kongreso okazos ankaŭ Eŭropa Konferenco organizata de Eŭropa Esperanto-Unio sub la temo:

Signifo de la falo de Berlina muro por interhomaj kontaktoj inter Orienta kaj Okcidenta Eŭropo